Bjarmabergsóley blómstrar allt sumarið frá júní og þangað til haustfrostin herðir.  Blómin eru gullgul og mjög áberandi, standa vel út úr greina- og blaðþykkninu.  Eftir blómgun vaxa fræflarnir mikið og úr verður til silfurgljáandi biðukolla, sem líkist biðukollu holtasóleyjarinnar.  Er líður á sumarið eru bæði ný blóm og biðukollur hlið við hlið.  Fræið spírar nokkuð auðveldlega, falli það í frjóa jörð.  Bjarmabergsóley getur því sáð sér sjálf og orðið villt. 

Að vori er best að klippa allar greinar sem greinilega eru visnar og hanga losaralega niður.  Bjarmabergsóley blómstrar á árssprota sumarsins.  Snyrtiklipping að vori hefur því engin áhrif á blómgunina.

Gott er að gróðursetja bjarmabergsóley frekar djúpt, ca. 10 cm upp á leggina, þétt upp við húsvegginn og vökva reglulega fyrsta sumarið.  

Bjarmabergsóley þarf grófmöskvað net til að festa sig í og klifra upp eftir á húsvegg, trjástofni, skjólveggi eða grind.  Bjarmabergsóley festir sig með því að vefja blaðstilknum utanum um granna strengi.

Clematis tangutica